NBUs medlemsmøte i haust er fastsett til fredag 24. oktober. Nemnda som har ansvaret for møtet, er i full gang med å laga programmet. Det som er sikkert er at eit tema blir «Den digitale barneboka», der vi skal ha med både forlagsfolk og forfattarar. Eit anna tema er innkjøpsordninga, som for tida er under lupa. Korleis blir morgondagens ordning? Anne Oterholm, forfattar i Kulturrådet, kjem for å orientere. Og det blir høve til å spørja og drøfte. Elles blir det eit par overraskingar i programmet. Og naturlegvis NBU-pris, mat og drikke. Staden er som vanleg Rådhusgata 7. Dørene blir opna kl 15.30.
Det kjem meir info om programmet etter kvart som bitane fell på plass. Men set av datoen allereie nå.